Oleh; Septinus Dowansiba
Didif dagot gu Simon jera Yermias jera Mafias jeskaseda memef mecirej morga oforga rou mei mod. Beda memef moduw merga ofora, beda memef mera mofun efaga beda mowoja moroj rou maha merga ofor agij. Beda memef mofra mod efeb oisa fob.
Memef mot mokti, ijg beda maha meideb efeyi rou moroka mod. Beda memef moj monska rou morot maga. Beda memef metka mekekeba gij mersa. Beda rujaga rungk mebi gíj rou moku mah. Ijg beda memef moina mat jah meiges, noba rujaga jah meraja. Beda Yermias odou os oj mofa rou ah mah skida.
Mafias odou os ah mungungun onoku mah guru. Beda ofa agot joug oida, “Munoina mar ireira guru. Ah jeskaseda mufc mar efeni gij fog. Muina maska, marfok jera mat. Ijg beda mimif mikeba gu musnok. Yermias, bua burka kumfan rou bijerengk meisemei jera miniyi ongga mireb marfok. Beda bingk marforu jera fercin.”
Koma rou andeij fob, beda memef momoina mar gij mod. Memef mesejah andeij fob. Beda memef magot gu mefmen rusnok nomnaga. Didif difesij mar osok ongga memef mei mod.
Sumber; Mimif Mik Mar Jeska Buku Gij Mifmin Muga (Kita Dapat Membaca Buku-Buku Dalam Bahasa Kita) Program Kerjasama UnCen-SIL 1991
